Ҳуқуқий ахборот биз хоҳлаган пайтда эмас, ўзингиз хоҳлаган пайтда олинг

Ишсизларга, касбий тайёргарлик ва қайта тайёргарликдан ўтишга, малака оширишга муҳтож бўлган фуқароларга улар рўйхатга олинган туман (шаҳар) бандликка кўмаклашиш маркази томонидан касб танлаш ва касбий таълим олиш имкониятларига доир бепул касбий маслаҳатлар берилади.

Касбий маслаҳат беришнинг мақсади тегишли касбга тайёрлашга доир ҳужжатларни, меҳнат дафтарчасидаги ёзувлар ва бошқаларни ўрганиш, ҳар бир шахснинг соғлигини, касбий қизиқишини, қобилиятини, шахсий хусусиятларини унга тавсия қилинган ёки ўзи танланган касбнинг хусусиятларига, таълим шакли ва ўрнига мувофиқлигини аниқлашга қаратилган.

Касбий маслаҳатлар бериш усуллари
  • якка тартибда суҳбатлар ўтказиш;
  • ижтимоий ва психологик сўров;
  • тест олиш.

Касбий маслаҳат бериш талаблари
  • юксак савия;
  • ижодий ташаббус;
  • замонавий иқтисодий фикрлаш;
  • ишнинг янги услуб ва кўникмаларини эгаллаш.

Ногиронлиги бўлган шахслар ва болали аёлларга касбий маслаҳат беришда ҳамда мақбул меҳнат фаолиятига йўллашда ҳудудий хусусиятлар ҳисобга олинади.

Касбий маслаҳат олиш юзасидан мурожаат қилган шахсларга мақбул келиши мумкин бўлган бир нечта касб, меҳнат фаолияти, касбга ўқитиш тури, ўрни ва муддатлари бўйича вариантлар таклиф қилинади.

 

Chat