Ҳуқуқий ахборот биз хоҳлаган пайтда эмас, ўзингиз хоҳлаган пайтда олинг

Вояга етмаганларни ишга қабул қилишда қонунчиликда ёшга нисбатан ва уларнинг меҳнатидан фойдаланишга йўл қўймаслик бўйича талаблар ўрнатилган.

Ёшларни ишга қабул қилиш 

18 ёшга тўлмаганлар учун қисқартирилган иш вақти

16 ёшдан 18 ёшгача бўлганларга иш вақти ҳафтасига 36 соатдан, 15 ёшдан 16 ёшгача бўлганлар учун эса ҳафтасига 24 соатдан ошмаслиги керак. 18 ёшга тўлмаган ўқишдан бўш вақтида ишлаётган ўқувчилар учун белгиланган иш вақти камида ярмига қисқартирилади.

18 ёшга тўлмаганларга ҳақ тўлаш 

18 ёшга тўлмаган ходимларга меҳнат ҳақи кундалик иш вақти тўлиқ бўлган тегишли тоифадаги ходимларга бериладиган миқдорда тўланади.

18 ёшга тўлмаган ўқишдан бўш вақтида ишлаётган ўқувчилар меҳнатига ишлаган вақтига мутаносиб равишда ёки ишлаб чиқарган маҳсулотига қараб ҳақ тўланади.

18 ёшга тўлмаган шахсларни ишга жалб этишдаги тақиқлашлар 

18 ёшга тўлмаган шахсларни тунги ишларга, иш вақтидан ташқари ишларга ва дам олиш кунларидаги ишларга жалб этиш тақиқланади.

Битирувчилар учун қўшимча кафолатлар

Меҳнат шартномасини бекор қилишда ўн саккиз ёшга тўлмаган шахсларнинг қўшимча кафолатлари 

Доимий юк ташишдаги нормалар

16 ёшдан 18 ёшгача бўлган шахсларнинг иш вақти фақат юкларни қўлда кўтариш ва ташиш билан боғлиқ бўлган ишлардан иборат бўлганда, улар учун юк кўтариш ва ташиш нормасининг чегараси 4,1 кг дан оғир бўлмаслиги, шунингдек улар аравача ва вагонетка ёрдамида юк ташишларига жалб этилмаслиги лозим.

Вояга етмаган ўғил болаларнинг юк кўтариш нормаси 

Иш вақтининг учдан бир қисми юкларни кўтариш ва ташиш билан боғлиқ ишлардан иборат бўлганда, 16 ёшдан 18 ёшгача бўлган ўғил болаларнинг юк кўтариш ва ташиш нормаларининг чегараси қуйидагича бўлиши лозим:

  • қўлда – 13 кг гача;
  • бир ғилдиракли аравачада – 39 кг гача;
  • икки ғилдиракли аравачада – 47 кг гача;
  • уч ва тўрт ғилдиракли аравачада – 67 кг гача;
  • вагонеткаларда – 405 кг гача.

Вояга етмаган қиз болаларнинг юк кўтариш нормаси 

Иш вақтининг учдан бир қисми юкларни кўтариш ва ташиш билан боғлиқ ишлардан иборат бўлганда, 16 ёшдан 18 ёшгача бўлган қиз болаларнинг юк кўтариш ва ташиш нормаларининг чегараси қуйидагича бўлиши лозим:

  • қўлда – 7 кг гача;
  • бир ғилдиракли аравачада – қизларга рухсат этилмайди;
  • икки ғилдиракли аравачада – қизларга рухсат этилмайди;
  • уч ва тўрт ғилдиракли аравачада – 52 кг гача;
  • вагонеткаларда – 224 кг гача.

Chat