Ҳуқуқий ахборот портали

Ўриндошлик  

Ходим асосий ишдан ташқари бўш вақтида меҳнат шартномаси асосида бошқа ҳақ тўланадиган ишни бажариши мумкин (ўриндошлик).

Ўриндош ходим учун иш вақти (ҳажми) белгиланган норманинг ярмидан кўп бўлиши мумкин эмас (соғлиқни сақлаш тизими врач ходимлари бундан мустасно).

Ўриндош ходимнинг меҳнат дафтарчаси асосий иш жойида сақланади.

Ўриндошлик асосидаги иш жойи бўйича нафақа олиш  

Ўриндошлар ўриндошлик асосидаги иш жойи бўйича вақтинча меҳнатга лаёқатсизлик, ҳомиладорлик ва туғиш нафақалари олиш ҳуқуқига эга.

Ўриндошлик асосида ишлаш тақиқланган шахслар ва ишлар

Қуйидаги ҳолларда ўриндошлик асосида ишлашга йўл қўйилмайди:

  • ўн саккиз ёшга тўлмаган шахслар;
  • ноқулай меҳнат шароитларида ишлаётганлар шундай шарт-шароитдаги ўриндошлик ишларда (соғлиқни сақлаш тизими ташкилотлари ходимлари бундан мустасно);
  • автомобиль ташувлари хавфсизлигини таъминлаш хизматининг ишчиси (мутахассиси) сифатида;
  • республика даражасидаги давлат бошқарув органлари раҳбар ходимлари;
  • вилоятлар, туманлар ва шаҳарлар ҳокимлари ва уларнинг ўринбосарлари;
  • бир-бирига бўйсунувчи ёки назорат қилувчи давлат бошқаруви органлари мутахассислари (соғлиқни сақлашни ва таълим тизимидаги врачлар ва ўқитувчилар бундан мустасно);
  • қонун ҳужжатларида назарда тутилган бошқа шахслар (ходимлар).

Ўриндошлик асосида ишлаш ҳисобланмайдиган ишлар рўйхати қуйидаги ҳаволада келтирилган.