Ҳуқуқий ахборот портали

Юқори малакали мутахассислар деб қуйидаги чет эл фуқаролари тан олинади:
  • рўйхати Ўзбекистон Республикаси Олий ва ўрта махсус таълим вазирлиги ҳамда Вазирлар Маҳкамаси ҳузуридаги Таълим сифатини назорат қилиш давлат инспекциясининг қўшма қарори билан тасдиқланадиган халқаро эътироф этилган ташкилотларнинг рейтингида олий таълим муассасалари орасида биринчи 1 000 ўринни эгаллайдиган олий таълим муассасаларини битирган;
  • эътироф этилган мутахассислик ёки дипломдаги мутахассислик бўйича 5 йилдан кам бўлмаган иш тажрибасига эга бўлган;
  • Ўзбекистон Республикасида меҳнат фаолиятига жалб қилиш шартлари йилига 60 минг АҚШ доллари эквивалентидан кам бўлмаган суммада иш ҳақи (мукофот) олишни назарда тутувчи.

Малакали мутахассислар деб қуйидаги чет эл фуқаролари тан олинади:
  • олий маълумотга эга бўлган;
  • эътироф этилган мутахассислик ёки дипломдаги мутахассислик бўйича 5 йилдан кам бўлмаган иш тажрибасига эга бўлган;
  • Ўзбекистон Республикасида меҳнат фаолиятига жалб қилиш шартлари йилига 30 минг АҚШ доллари эквивалентидан кам бўлмаган суммада иш ҳақи (мукофот) олишни назарда тутувчи.

Ваколатли орган:

  • мурожаат этиш учун - Давлат хизматлари марказлари (манзиллари қуйидаги ҳаволада жойлашган);
  • Ўзбекистон Республикаси Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлиги. Сайтга ўтиш учун, ҳаволага босинг.

Тақдим этиладиган ҳужжатлар
  • Чет эл фуқаросининг анкетаси;
  • Чет эл фуқароси паспортининг нусхаси;
  • Кириш визасининг нусхаси *;
  • 3 х 4 см ҳажмли фотосурат;
  • Чет эллик ходимни Ўзбекистон Республикасига жалб қилиш истаги ва шартлари тўғрисида иш берувчи билан иш ҳақи (мукофот пули) ҳажми кўрсатилган дастлабки келишувни тасдиқловчи меҳнат шартномасининг лойиҳаси;
  • Раҳбарнинг мажбуриятлари;
  • Ўзбекистон Республикаси тиббиёт муассасалари томонидан ОИВ-инфекцияси йўқлиги тўғрисидаги сертификат;
  • Чет эл фуқаросининг малакасини тасдиқловчи ҳужжатлар **.
  • Иш берувчи ҳақида қисқача маълумотлар **.
  • Иш берувчи паспортининг нусхаси **.

* Ҳужжат виза режими ўрнатилган хорижий давлатлар фуқаролари бор бўлсагина тақдим этилади. Бунда кириш визаларининг фақат қуйидаги турларини қабул қилишга йўл қуйилади: «Е « меҳнат визаси, «В-1 « ва «В-2 « иш визаси, «S-3» хизмат визаси ёки ватандошлар учун назарда тутилган бошқа турпдаги визалар.

** Ҳужжатлар юқори малакали ва (ёки) малакали мутахассислар мақомини олиш зарурати бўлгандагина тақдим этилади.

Хизмат учун тўлов:
  • Давлат хизмати кўрсатилганлиги учун - 223 000,00 сўм.

Қарор қабул қилинганлиги учун:

  • юқори малакали мутахассислар, шунингдек, Президент мактаблари ва олий ўқув юртларида ишлаш учун жалб этилаётган ўқитувчилар ва мутахассислар учун — 446 000,00 сўм миқдорида;
  • малакали мутахассислар учун - 446 000,00 сўм миқдорида;
  • ватандошлар учун — 446 000,00 сўм миқдорида;
  • бошқа чет эл фуқаролари учун — 66 900,00 сўм миқдорида.

Муддат:
  • қарор қабул қилиш - 20 иш куни;
  • йиғим тўлаш - 5 иш куни.
  

Натижа: Тасдиқнома.

 

 

Chat