Ҳуқуқий ахборот портали

Автомототранспорт воситаларини бошқариш ва (ёки) тасарруф этиш ишончномалари нотариал тартибда тасдиқланиши керак.

Тақдим этиладиган ҳужжатлар:
  • 1. Ишончнома берувчининг шахсини тасдиқловчи ҳужжатлар (паспорт ёки унинг ўр-нини босувчи ҳужжатлар).
  • 2. Транспорт воситасини қайд этиш гувоҳномаси (тех.паспорт).
  • 3. Агар ишончнома тасарруф этиш ҳуқуқи билан берилганда умумий биргаликдаги мулк-ни ташкил этса, барча мулкдорларнинг (эр-хотиннинг) розилиги (никоҳ гувоҳномаси).
  • 4. Мулк гаровга қўйилган бўлса гаровга олувчининг розилиги.
  • 5. Агар васийликдаги (ҳомийликдаги) шахс номидан васий (ҳомий) ишончнома берса васийлик ва ҳомийлик органининг розилиги.
  • 6. Агар автотранспорт воситаси эгасига мерос гувоҳномасига асосан тегишли бўлса, меросга бўлган ҳуқуқ тўғрисидаги гувоҳномасининг нусхаси.
  • 7. Агар ишончнома яқин қариндошларга берилса, қариндошликни тасдиқловчи ҳужжат.
  • 8. Агар мулк меросга асосан тегишли бўлса, мерос гувоҳномасининг нусхаси.

Ундириладиган тўловлар:

1. Давлат божи.

  • а) мулкдорнинг хотинига (эрига), унинг ва хотинининг (эрининг) ота-оналарига, болалари ва уларнинг эр-хотинларига, набираларига, бувиларига, буваларига, ака-укалари ва опа-сингилларига, жиянларига — энг кам ойлик иш ҳақининг 50 фоизи миқдорида (111 500,00 сўм);
  • б) бошқа шахсларга — энг кам ойлик иш ҳақининг 3 баравари миқдорида (669 000,00 сўм);

2. Герб йиғими.

  • Энг кам ойлик иш ҳақининг 10 фоизи миқдорида (22 300,00 сўм) (ҳар бир гербли бланка учун).

3. Ҳуқуқий ва техник тусдаги қўшимча ҳаракатлар амалга оширилганлиги учун тўлов.

  • а) тақиқни текшириш – энг кам ойлик иш ҳақининг 15 фоизи миқдорида (33 450,00 сўм);
  • б) тушунтириш бериш – энг кам ойлик иш ҳақининг 5 фоизи миқдорида (11 150,00 сўм);
  • в) лойиҳа тузиш – энг кам ойлик иш ҳақининг 10 фоизи миқдорида (22 300,00 сўм).

 

 

Нотариал идоралар ҳақида маълумот олиш учун қуйидаги ҳаволага ўтинг.

Нотариус қабулига ёзилиш учун қуйидаги ҳаволага ўтинг.

Нотариус ҳаракатларидан норози бўлсангиз Ўзбекистон Республикаси Адлия вазирлигига мурожаат қилиш учун қуйидаги ҳаволага ўтинг ёки “1008” ишонч телефонига қўнғироқ қилинг.