Ҳуқуқий ахборот биз хоҳлаган пайтда эмас, ўзингиз хоҳлаган пайтда олинг

Маиший чиқиндиларни тўплаш ва олиб чиқиб кетиш хизмат кўрсатувчи ташкилот томонидан амалга оширилади.

Маиший чиқиндиларни тўплаш ва олиб чиқиб кетиш:

  • аҳолига – хизматлар ҳокимликлар ҳамда хизмат кўрсатувчи ташкилотлар ўртасида тузиладиган шартнома (битим) асосида;
  • жисмоний шахсларга – хизматлар кўрсатиш бўйича оммавий шартнома асосида амалга оширилади.

Хизматлар учун мажбурий тўловлар жисмоний шахслар томонидан тўлов амалга оширилаётган, ўтган ойдан кейинги ойнинг 10-санасидан кечикмай тўланади.

Тўлов жисмоний шахс томонидан чекланмаган ҳолда, банк ва тўлов кассаси, электрон тўлов тизими ва бошқа тўлов турлари орқали амалга оширилади.

Хизматлар учун тўловларни электрон шаклда амалга ошириш мумкин

Истеъмолчи аванс тариқасида тўлаган давр учун қайта ҳисоб-китоб қилинмайди.

Чиқиндиларни олиб чиқиш бўйича фойдали саҳифалар
  • балансни текшириш ва тўловни биллин тизими орқали амалга ошириш учун ушбу ҳаволага ўтинг
  • тарифлар калкулятори билан танишиш учун ушбу ҳаволага ўтинг
  • ҳудудлар бўйича тарифлар билан танишиш учун ушбу ҳаволага ўтинг

Жисмоний шахс қўшимча хизмат учун тўловни 100 фоиз олдиндан тўлайди.

Қуйидаги чиқиндиларни олиб чиқиб кетиш алоҳида тўлов эвазига амалга оширилади:

  • суюқ маиший чиқиндилар;
  • йирик габаритли маиший чиқиндилар;
  • чорвачилик чиқиндилари;
  • қурилиш чиқиндилари ва тупроқ;
  • дарахт ва буталарни кесишдан ҳосил бўладиган чиқиндилар ва смёт.

Тўлов вақтида ўтказилмаганда ўтказиб юборилган ҳар бир кун учун жисмоний шахсдан 0,1% миқдорда пеня ундирилади.

Хизматлар учун тўловларнинг қайта ҳисоб-китоби қуйидаги ҳолларда амалга оширилади:

  • ҳисоблашда хатоликка йўл қўйилганда
    • амалда тўланган сумма ва ягона электрон тизимидаги тўлов тўғрисидаги маълумот ўртасида тафовут бўлганда;
    • тўлов нотўғри ҳисобланганда ёки тариф нотўғри қўлланилганда;
    • пеня нотўғри ҳисоблаб чиқарилганда;
    • ягона электрон тизимида ёки тўлов ҳужжатида арифметик хатога йўл қўйилганда;
    • ягона электрон тизими, тўлов ва бухгалтерия ҳужжатларидаги бошқа хатоликларда.
    ;
  • истеъмолчига хизмат кўрсатилмаган ёки сифатсиз хизматлар кўрсатилганда;
  • истиқомат қилувчи шахслар сонига тузатишлар киритилганда;
  • Мажбурий ижро бюроси тақдимномаси ёки суд қарори бўйича.

Ҳисоблашда хатолик аниқланганда тўловни қайта ҳисоб-китоб қилиш асос ҳисобланувчи далолатнома тузилади.

Далолатномага хатоликларга йўл қўйилганлигини тасдиқловчи ҳужжат илова қилинади.

Ягона электрон тизимида онлайн шакллантириладиган маълумотлар
  • абонентлар тўғрисида;
  • абонент хизмат кўрсатиш зонасига тааллуқли бўлган хизмат кўрсатувчи ташкилот;
  • абонент билан бирга истиқомат қилувчи шахслар сони;
  • мажбурий тўловлар суммаси;
  • хизматлар учун мажбурий тўловларнинг амалда тўланганлиги, қарздорлик суммаси ва ортиқча тўланганлиги тўғрисида.

Жисмоний шахслардан тўловларни ундиришда Мажбурий ижро бюроси ҳуқуқлари
  • жисмоний шахслардан тўловларни йиғишни амалга ошириш;
  • қарздорликни бартараф этиш ҳақида бажарилиши мажбурий бўлган талабнома юбориш;
  • вазирликлар, идоралар, бошқа ташкилотларга тақдимномалар киритиш;
  • энг кам ойлик иш ҳақининг 2 бараваридан кўп бўлмаган миқдордаги қарздорликни истеъмолчининг иш ҳақидан ушлаб қолиш ҳақида иш берувчиларга талабнома юбориш;
  • ҳар ойда энг кам ойлик иш ҳақининг 2 бараваридан кўп бўлмаган миқдордаги қарздорликни истеъмолчининг банк пластик карталаридан ечиб олиш.

Chat