Ҳуқуқий ахборот биз хоҳлаган пайтда эмас, ўзингиз хоҳлаган пайтда олинг

Бизнесни бошлаш учун  қуйидаги ҳаракатларни амалга ошириш зарур:

1) ўз туманингиз ёки шаҳрингиздаги Давлат хизматлари марказига шахсан бориб ёки Интернет орқали  онлайн тарзда давлат рўйхатидан ўтиш;

2) банкда ҳисоб рақамини очиш (Банкда ҳисобварақ очиш тартибига қаранг). Банк ҳисоб рақамларини очиш учун рўйхатдан ўтказилганлиги тўғрисидаги гувоҳноманинг, таъсис ҳужжатларининг аслини ва нусхаларини тақдим этиш талаб қилинмайди;

3) назорат-касса машинасини харид қилиш ва уни солиқ органларида рўйхатдан ўтказиш;

4) аҳоли билан пул ҳисоб-китобларини амалга ошириш учун  тижорат банкларидан  ҳисоб-китоб терминалини харид қилиш. Стационар савдо шохобчалари ва кўчма савдо объектлари банк пластик карточкаларидан фойдаланган ҳолда тўловларни қабул  қилиш  бўйича  ҳисоб-китоб терминаллари билан таъминланган бўлиши лозим;

5) зарур бўлган ҳолларда  муҳандислик-коммуникация тизимларига  уланиш учун рухсатнома олиш;

6) ходимларга  меҳнат дафтарчалари очиш, пенсия дафтарчаларини расмийлаштириш;

7) зарур бўлган ҳолларда керакли лицезия ва рухсатномаларни олиш;

8) Ўзбекистон Республикасида ишлаб чиқарилаётган ва республика ҳудудига олиб кирилаётган тегишли маҳсулот турларини мажбурий равишда сертификатлаш;

9) эгаллаган фаолият туридан келиб чиққан ҳолда, тегишли  идоралардан хулосалар, маълумотномалар (санитар-эпидемиология хулосаси, ёнғин назорати органларидан  ёнғин хавфсизлиги талабларига мослик ҳақидаги хулоса ва бошқалар)ни олиш;

10) Ўзбекистон Республикаси Савдо-саноат палатасига аъзо бўлиш. Аъзолик кичик бизнес ва хусусий тадбиркорлик субъектлари учун ихтиёрий, тадбиркорликнинг бошқа  субъектлари учун мажбурий ҳисобланади. Савдо-саноат палатасига аъзоликка кириш бўйича онлайн аризани шу ерда расмийлаштириш мумкин.

Chat