Ҳуқуқий ахборот портали

Давлат мактабларида ўқувчилар учун ягона мактаб формасини кийишлари шарт.

Мактаб формаларининг шакллари билан ушбу ҳавола орқали танишиш мумкин.

@Мактаб формасини кийишда қуйидаги талаблар қўйилади:

  • кийимларнинг ўта тор ёки ўта кенг бичимда бўлмаслиги;
  • қизлар учун юбканинг узунлиги тиззадан 5 — 15 см пастда бўлиши;
  • ўғил болалар учун шимнинг узунлиги оёқ тўпиғидан пастда бўлиши;
  • оёқ кийимлар пошнасининг 3 сантиметрдан баланд бўлмаслиги;
  • кўйлакнинг энг юқоридаги фақат битта тугмасидан ташқари бошқа тугмаларнинг қадалган бўлиши;
  • кийимларнинг тоза ва дазмолланган бўлиши.

Ўқувчилар мактаб биноси ичида бош кийимсиз юришлари лозим, таълим муассасасида ўтказиладиган турли тадбирлар жараёни бундан мустасно.

Ўқувчиларнинг мактаб формасига ҳижоб, кипа, кашая, хоч ва бошқалар қўшишга йўл қўйилмайди.

@Ташқи кўринишга қўйиладиган бошқа тақиқлар:

  • ўғил бола ўқувчиларнинг таълим муассасасига танасининг очиқ қисмига татуировка туширган ёки пирсинг қилган, соқол қўйган, сочи 2-3 сантиметрдан узун бўлган ва ёрқин рангларга бўяган ҳолда келишларига;
  • қиз бола ўқувчиларнинг таълим муассасасига танасининг очиқ қисмига татуировка туширган ёки пирсинг қилган, сочини ёрқин рангларга бўяган, юзини кўзга ташланадиган даражада макияж қилган, қулоғига биттадан ортиқ сирға таққан, бармоқларига узук таққан, қўл тирноқларини бўяган ва узун қилиб ўстирган ҳолда келишларига йўл қўйилмайди.

@Тартиб бузганлик учун жавобгарлик

Ўқувчиларнинг мактаб формасини кийиш тартибига риоя қилмаслик мактаб ички тартиб-қоидаларини бузиш деб баҳоланади ва бундай ўқувчиларга қуйидаги чоралар қўлланиши мумкин:

  • огоҳлантириш;
  • кундалик дафтарига қайд этиш;
  • тушунтириш ишларини олиб бориш учун ота-онасини хабардор қилиш;
  • маҳалла йиғини ва таълим муассасасидаги йиғилишларда ота-оналар иштирокида муҳокама қилиш.

Норматив ҳужжатлар

Давлат умумий ўрта таълим муассасалари ўқувчиларини замонавий ягона мактаб формаси билан таъминлаш чора-тадбирлари тўғрисида
Ўзбекистон Республикаси Вазирлар Маҳкамасининг қарори, №666, Қабул қилинган сана 15.08.2018