Ҳуқуқий ахборот портали

Телефон алоқаси (уй телефони) хизматидан фойдаланиш уччун шартнома тузиш:

  • шартнома тузиш учун жисмоний шахс операторга (провайдерга) ариза билан мурожаат қилади;
  • ариза 2 нусхада тўлдирилади;
  • аризага паспорт нусхаси илова қилинади.

Ариза тўлдириш учун ушбу ҳаволага ўтинг.

Тузилган шартнома қуйидаги ҳолатларда қайта расмийлаштирилиши мумкин:

  • абонент битта АТСнинг фаолият зонасида бир жойдан бошқа яшаш жойига кўчган тақдирда (аввалги рақами сақланган ҳолда);
  • абонент АТС фаолият зонасидан ташқарига, битта операторнинг фаолият зонасидаги янги жойга кўчган тақдирда (янги рақам ажратилган ҳолда).

Телефон алоқаси ўрнатилган бинога бўлган мулк ҳуқуқи бошқа шахсга ўтган тақдирда, аввалги мулкдор (абонент) билан тузилган шартнома бекор қилинади.

Шартнома тузилгандан кейин абонент рақамларини ўзгартириш:

  • янги АТСларнинг ишга тушиши (таъмирланиши) сабабли рақамларни алмаштириш бепул амалга оширилади;
  • рақамлар алмаштирилиши ҳақида абонентлар камида 10 кун олдин огоҳлантирилади;
  • рақамлар оммавий равишда ўзгартирилиши ҳақида камида 30 кун олдин ОАВ  орқали абонентлар хабардор қилинади;
  • рақамлар алмаштирилганда имкон қадар АТС индексини аниқловчи биринчи сонлар ўзгартирилади.

"Ўзбектелеком" АКнинг фаолияти ва фойдали маслаҳатлар билан танишиш учун ушбу ҳаволага ўтинг.