Ҳуқуқий ахборот биз хоҳлаган пайтда эмас, ўзингиз хоҳлаган пайтда олинг

Фуқаролиги йўқ шахс паспортни доимий рўйхатда турадиган жойдаги ички ишлар органларидан ёки доимий ёхуд вақтинча консуллик рўйхатида турган жойдаги дипломатик муассасалардан олишади.

Фуқаролиги йўқ шахс паспорт ёки ҳаракатланиш ҳужжатини ички ишлар органларида олиш учун қуйидагиларни амалга ошириш зарур:  
  • доимий рўйхатда турадиган жойдаги ички ишлар органларига мурожаат қилиш;
  • биометрик паспорт бериш ҳақида ариза топшириш;
  • 16 ёшга тўлганлик муносабати билан паспорт олишда туғилганлик тўғрисидаги гувоҳномани тақдим этиш. Агар туғилганлик тўғрисидаги гувоҳнома Ўзбекистон Республикасининг хориждаги дипломатик ваколатхоналари томонидан берилган бўлса, туғилганлик тўғрисидаги гувоҳномага апостиль қўйиш зарур;
  • илгари берилган паспортни тақдим этиш;
  • 35х45 мм ҳажмдаги 2 та фотосурат;
  • давлат божи тўланганлиги ҳақидаги квитанция.

Фуқаролиги йўқ шахс паспорт ёки ҳаракатланиш ҳужжатини Ўзбекистон Республикасининг чет элдаги консуллик муассасаларида олиш учун қуйидагиларни амалга ошириш зарур   
  • Ўзбекистон Республикасининг чет элдаги консуллик муассасаларига мурожаат қилиш.
  • биометрик ҳужжат бериш ҳақида аризани тўлдириш;
  • паспорт асли ва нусхасини тақдим этиш;
  • 35х45 мм ҳажмдаги иккита фотосурат;
  • Ўзбекистон Республикаси ички ишлар органлари томонидан берилган келиш варағи (МДҲ мамлакатлари учун) ёки «Dоimiy - yashashga ketishga ruxsat berildi» ёзувли стикер;
  • консуллик йиғими ва амалдаги харажатларни тўлаш.

Ҳужжат ариза Давлат персоналлаштириш марказига юборилган кундан бошлаб 15 иш кунида берилади.

Норматив ҳужжатлар

 

Шаблон ва шакллар намуналари

Биометрик ҳужжат бериш ҳақида ариза 

Chat