Ҳуқуқий ахборот - ҳаммага, ҳар доим, ҳамма жойда!

  • 1327 марта ўқилди

Ўзбекистон Республикаси фуқаросининг паспорти – Ўзбекистон Республикасининг фуқаролигини тасдиқловчи ҳужжат ҳисобланади.

16 ёшга тўлган Ўзбекистон Республикасининг барча фуқаролари паспортга эга бўлишлари керак.

Ўзбекистон Республикаси фуқаросининг паспорти қуйидагиларга берилади
  • 16 ёшга тўлган Ўзбекистон фуқароларига;
  • Қонун кучга кирган кунга қадар Ўзбекистонда доимий яшаган шахсларга;
  • Қонунга асосан Ўзбекистон Республикаси фуқаролигини олган шахсларга.

  • Ўзбекистон Республикаси фуқаросининг паспорти ички ишлар органлари томонидан берилади.
  • Ўзбекистон Республикасининг хорижда доимий яшайдиган фуқароларига, шунингдек Қонунга мувофиқ Ўзбекистон Республикаси фуқаролигини олган шахсларга Ўзбекистон Республикаси фуқароси паспорти Ўзбекистон Республикасининг хориждаги дипломатия ваколатхонаси ёки консуллик муассасаси томонидан берилади.

Паспорт олиш учун қуйидагиларни тақдим этиш лозим
  • биометрик паспорт бериш ҳақида ариза топшириш;
  • 16 ёшга тўлганлик муносабати билан паспорт олишда туғилганлик тўғрисидаги гувоҳномани тақдим этиш. Агар туғилганлик тўғрисидаги гувоҳнома Ўзбекистон Республикасининг хориждаги дипломатик ваколатхоналари томонидан берилган бўлса, туғилганлик тўғрисидаги гувоҳномага апостиль қўйиш зарур;
  • илгари берилган паспортни топшириш;
  • 35х45 мм ҳажмдаги 2 та фотосурат;
  • давлат божи тўланганлиги тўғрсидаги ҳужжат.

Норматив ҳужжатлар

Chat