Ҳуқуқий ахборот портали

Фуқарони Тошкент шаҳрида ва Тошкент вилоятида турган жойи бўйича ҳисобга олиш фуқарони доимий яшаш жойидан пропискадан чиқармасдан беш кундан бир йилгача муддатга амалга оширилади ҳамда бу турар жой сотиб олиш учун асос ҳисобланмайди. Беш кундан ортиқ бўлмаган муддатга келган фуқаролар ҳисобга олинмайди.

Меҳмонхоналар, даволаш муассасалари, санаторийлар, дам олиш уйлари ва шунга ўхшаш бошқа муассасалар келган фуқароларни ҳисобга олишни улар келганларидан кейин уларнинг бу ерда бўлиш муддатидан ва келишининг даврийлигидан қатъи назар, шахсини тасдиқлайдиган ҳужжатлар асосида амалга оширади.

Таълим муассасаларига ўқишга келган фуқароларни ички ишлар бўлими инспектори томонидан ҳисобга олиш турар жойи (уй-жой майдони) бўйича амалга оширилади. Ўқиш Тошкент шаҳри ва Тошкент вилоятидан ташқарида жойлашган бошқа таълим муассасасига кўчирилган, фуқаро академик таътил олган ёки таълим муассасасидан ўқишдан четлатилган тақдирда, ушбу муассасалар раҳбарияти тегишли қарор қабул қилинган кунида бу ҳақда фуқарони вақтинча турган жойида ҳисобга олишни расмийлаштирган миграция ва фуқароликни расмийлаштириш бўлимини хабардор қилади.

Паспортга ва уй дафтарига (прописка карточкасига) ҳисобга олинганлик ҳақида белги қўйилмайди.

Фуқаро ҳисобга олинган жойда яшаши лозим.

1.Тошкент шаҳри ва Тошкент вилоятида ҳисобга олиш

Қуйидагилар ҳисобга олишни рад қилиш учун асос бўлади:
  • мунтазам равишда ҳуқуқбузарликлар содир этилиши;
  • шахснинг Тошкент шаҳри ва Тошкент вилоятида бундан буён бўлиши жамоат тартиби бузилиши учун шарт-шароитлар яратиши тўғрисидаги маълумотларнинг мавжудлиги;
  • ҳужжатларда нотўғри маълумотларнинг мавжудлиги.

Фуқароларнинг ҳисобда туриши рад этилган тақдирда ички ишлар бўлими инспектори томонидан хулоса тузилади, ушбу хулоса ички ишлар бўлими бошлиғи томонидан тасдиқланади, унда рад этишнинг аниқ асослари кўрсатилган бўлиши керак.

Тошкент шаҳри ва Тошкент вилоятида ҳисобга қўйиш учун фуқаро келган кунидан беш кун ичида вақтинча келган жойидаги ички ишлар бўлимига қуйидаги ҳужжатларни топширади
  • ариза;
  • паспорт;
  • контракт бўйича ҳарбий хизматчининг шахсий гувоҳномаси ёки Ўзбекистон Республикаси Қуролли Кучлари офицерининг шахсий гувоҳномаси (казармалар, корабллар ва кемалардан ташқарида яшайдиган ҳарбий хизматчилар учун);
  • туғилганлик тўғрисидаги гувоҳнома ва 35 х 45 мм ўлчамдаги икки дона расм — 16 ёшга тўлмаган шахслар учун;
  • уй-жой мулкдорининг (мулкдорларининг) турар жой майдони бериш тўғрисидаги аризаси (розилиги) ва уй-жой ҳужжатларининг асл нусхаси (нусхалари олиниб, асли қайтарилади). Тошкент шаҳри ва Тошкент вилоятига республиканинг бошқа минтақаларидан мавсумий иш билан шуғулланишга (қурилиш, қишлоқ хўжалиги ва бошқалар) келган фуқаролар учун мавсумий иш ҳақида шартнома ёки мавсумий иш берувчининг аризаси бўлса ушбу ҳужжатлар талаб этилмайди;
  • ҳисобга олинганлик учун давлат божи тўланганлиги тўғрисидаги квитанция.

Муддатлар

Ариза рўйхатдан ўтказилгандан, шунингдек, тақдим этилган ҳужжатлар ўрганиб чиқилгандан ва расмийлаштирилгандан кейин ўша куннинг ўзида ариза берувчига Тошкент шаҳрида ва Тошкент вилоятида турган жойида ҳисобга олиш тўғрисида фуқаронинг шахсини тасдиқлайдиган ҳужжатга қайд варағи (кейинги ўринларда ҳисобга олиш тўғрисидаги қайд варағи деб аталади) ёки BARE-CODE билан ҳимояланган қайд варағини беради.

Ҳисобга олиш тўғрисидаги қайд варағи қатъий ҳисобда турувчи ҳужжат ҳисобланади. Ҳисобга олиш тўғрисидаги қайд варағи ҳамда BARE-CODE билан ҳимояланган қайд варағи фуқаронинг турган жойида ҳисобга олинганлигини тасдиқлайдиган ҳужжат ҳисобланади ва паспорт, ҳарбий хизматчининг шахсий гувоҳномаси ёки туғилганлик тўғрисидаги гувоҳнома (16 ёшга тўлмаган шахслар учун) кўрсатилган тақдирда унда кўрсатилган муддат мобайнида ҳақиқийдир).

Ҳисобга олиш тўғрисидаги қайд варағи йўқолган ёки бузилган тақдирда фуқаро тегишли ички ишлар бўлимига ўз шахсини тасдиқлайдиган ҳужжатни тақдим этган ҳолда қайд варағи йўқолиши ёки бузилиши ҳолатларини кўрсатиб, ҳисобга олиш тўғрисидаги қайд варағининг дубликатини расмийлаштириш тўғрисидаги аризани тақдим этади.

Фуқаронинг ҳисобга олиниши тўғрисидаги маълумотлар мавжудлиги текширилгандан кейин ўша куннинг ўзида ҳисобга олиш тўғрисидаги қайд варағининг дубликатини расмийлаштирилади.

2.Қорақалпоғистон ва бошқа вилоятларда ҳисобга олиш

Қуйидагилар ҳисобга олишни расмийлаштиришни рад қилиш учун асос бўлади  
  • мунтазам равишда ҳуқуқбузарликлар содир этилиши;
  • шахснинг вилоятда бундан буён бўлиши жамоат тартиби бузилиши учун шарт-шароитлар яратиши тўғрисидаги маълумотларнинг мавжудлиги;
  • ҳужжатларда нотўғри маълумотларнинг мавжудлиги.

Фуқароларнинг ҳисобда туриши рад этилган тақдирда ички ишлар бўлими инспектори томонидан хулоса тузилади, ушбу хулоса ички ишлар бўлими бошлиғи томонидан тасдиқланади, унда рад этишнинг аниқ асослари кўрсатилган бўлиши керак.

Топшириладиган ҳужжатлар   

Тошкент шаҳри ва Тошкент вилоятида ҳисобга қўйиш учун фуқаро кеоган кунидан беш кун ичида вақтинча келган жойидаги ички ишлар бўлимига қуйидаги ҳужжатларни топширади:

  • ариза;
  • паспорт;
  • контракт бўйича ҳарбий хизматчининг шахсий гувоҳномаси ёки Ўзбекистон Республикаси Қуролли Кучлари офицерининг шахсий гувоҳномаси (казармалар, корабллар ва кемалардан ташқарида яшайдиган ҳарбий хизматчилар учун);
  • туғилганлик тўғрисидаги гувоҳнома ва 35 х 45 мм ўлчамдаги икки дона расм — 16 ёшга тўлмаган шахслар учун;
  • уй-жой мулкдорининг (мулкдорларининг) турар жой майдони бериш тўғрисидаги аризаси (розилиги) ва уй-жой ҳужжатларининг асл нусхаси (нусхалари олиниб, асли қайтарилади). Тошкент шаҳри ва Тошкент вилоятига республиканинг бошқа минтақаларидан мавсумий иш билан шуғулланишга (қурилиш, қишлоқ хўжалиги ва бошқалар) келган фуқаролар учун мавсумий иш ҳақида шартнома ёки мавсумий иш берувчининг аризаси бўлса ушбу ҳужжатлар талаб этилмайди.
  • ҳисобга олинганлик учун давлат божи тўланганлиги тўғрисидаги квитанция.

Ҳисобда туришни расмийлаштиришнинг рад этилиши юзасидан суд тартибида шикоят қилиш мумкин.

Ариза рўйхатдан ўтказилгандан, шунингдек, тақдим этилган ҳужжатлар ўрганиб чиқилгандан ва расмийлаштирилгандан кейин ўша куннинг ўзида ариза берувчига вилоятда турган жойида ҳисобга олиш тўғрисида фуқаронинг шахсини тасдиқлайдиган ҳужжатга қайд варағи  ёки BARE-CODE билан ҳимояланган қайд варағини беради.

Прописка учун энг кам ойлик иш ҳақининг 2 % миқдорида ҳақ ундирилади ({0,02*MRZP} сўм)

Норматив ҳужжатлар