Ҳуқуқий ахборот портали

Эски шаклдаги ҳайдовчилик гувоҳномаларини янгисига алмаштириш улар берилган муддатдан қатъий назар амалга оширилади, бунда:

  • 01.10.2017 йилдан 31.12.2018 йилгача – ихтиёрий равишда алмаштирилади;
  • 01.01.2019 йилдан 31.12.2020 йилгача – мажбурий тартибда алмаштирилади.

Эски шаклдаги ҳайдовчилик гувоҳномаларини янгисига алмаштириш билан боғлиқ барча жараёнлар Давлат хизматлари марказларида амалга оширилади.

Ҳайдовчилик гувоҳномасини алмаштириш учун қуйидаги ҳужжатлар тақдим этилади:

  • паспорт (нусхаси олиниб асли қайтарилади);
  • эски шаклдаги ҳайдовчилик гувоҳномаси ва унинг талони;
  • 156 100,00 сўм миқдорида давлат божи тўланганлигини тасдиқловчи квитанция (Марказларда тўлов кассалари мавжуд).

Ариза ҳамда тегишли ҳужжатлар қабул қилиниб олингандан сўнг навбат билан расмга тушиб, планшет орқали ҳужжатга имзо қўйиб, янги гувоҳнома чоп этилиши кутиб турилади (ушбу жараёнга 5 дақиқа вақт сарфланади).


ДИҚҚАТ! 2021 йил 1 январдан бошлаб эски ҳайдовчилик гувоҳномаларини янги намуналарига алмаштиришда қуйидаги ҳужжатлар қўшимча равишда талаб этилади:

  • ҳайдовчининг имтиҳон варақаси (миллий ҳайдовчилик гувоҳномасини берган ҳудудий ЙҲХБ тасдиқномаси)
  • белгиланган шаклдаги тиббий маълумотнома
  • автомототранспорт воситаларини 12 ой мобайнида бошқарганлигини тасдиқловчи ҳужжат
    • ишлаётган ҳайдовчилар учун меҳнат дафтарчасидан кўчирма ёки ишлаётган жойида унга бириктирилган автомототранспорт тури кўрсатилган маълумотнома (буйруқдан кўчирма)
    • шахсий автомототранспорт воситалари ҳайдовчилари учун уларга тегишли бўлган автомототранспорт воситасининг рўйхатдан ўтганлиги ҳақидаги қайд этиш гувоҳномаси
    • ишончнома ёки ижара шартномаси билан автомототранспорт воситасини бошқарган шахслар учун автомототранспорт воситаси рўйхатдан ўтганлиги тўғрисидаги гувоҳнома ва уни бошқариш учун нотариал идора томонидан тасдиқланган ишончнома ёки ижара шартномаси

Давлат хизматлари марказлари жойлашуви ва телефон рақамлари ушбу мақолада кўрсатилган.

Chat