Ҳуқуқий ахборот портали

Умумий ҳарбий мажбурият - фуқароларнинг Ўзбекистон Республикасини ҳимоя қилишга мажбурий ҳарбий тайёргарлигидан иборат бўлади ҳамда Ўзбекистон Республикаси Қуролли Кучлари сафини тўлдиришни ва уларнинг резервини тайёрлашни таъминлаш мақсадида жорий этилади.

Умумий ҳарбий мажбурият   
  • фуқароларни ҳарбий хизматга тайёрлашни;
  • ҳарбий хизматга чақиришни (киришни);
  • чақирув ёки контракт бўйича ҳарбий хизмат ўташни;
  • резервдаги хизматни;
  • муқобил хизматни;
  • ҳарбий рўйхатдан ўтиш қоидаларига риоя этишни;
  • фавқулодда вазиятларда ёки Ўзбекистон Республикасига қарши ҳарбий тажовуз бўлган тақдирда аҳолини муҳофаза этиш тадбир-чораларини қамраб олади.

Ҳарбий хизматга чақирилувчилар   

Чақирилувчилар - Ўзбекистон Республикасининг ҳарбий хизматга чақириладиган ва туман (шаҳар) чақирув участкаларида қайд этилган фуқароларидир.

Ҳарбий хизматга мажбурлар - Қуролли Кучларнинг резерви ёки захирасидаги шахслардир.

Ҳарбий хизматчилар - Ҳақиқий ҳарбий хизматдаги Ўзбекистон фуқароларидир.

Ҳарбий хизматга мажбур бўлмаган шахслар - турли сабабларга кўра ҳарбий рўйхатга олинмаган ёки ҳарбий рўйхатдан чиқарилган, шу жумладан истеъфодаги шахслар.

Умумий ҳарбий мажбурият Ўзбекистон Республикаси ҳудудида доимий ёки вақтинча яшаётган чет эл фуқаролари ва фуқаролиги бўлмаган шахсларга татбиқ этилмайди.

Ҳарбий хизматчига қўйиладиган талаблар

Ҳарбий хизматчилар Ўзбекистон Республикасининг қонун ҳужжатларига, Ўзбекистон Республикаси Қуролли Кучларининг умумҳарбий низомларига ва ҳарбий хизматнинг бошқа тартиб-қоидаларига сўзсиз амал қилишлари, ҳар доим ўзларини жисмоний ва рухий чиниқтириб боришлари, ҳарбий соҳадаги билимларини мунтазам равишда такомиллаштириб боришлари талаб этилади. 

Норматив ҳужжатлар

Chat