Ҳуқуқий ахборот - ҳаммага, ҳар доим, ҳамма жойда!

  • 41 марта ўқилди

Кўп квартирали уйдаги умумий мол-мулкка эгалик қилиш ҳамда улардан фойдаланиш турар ва нотурар жой мулкдорлари келишувига кўра амалга оширилади (агар келишувга эришилмаса, мулкдорлардан бирининг даъвоси бўйича суд томонидан ҳал қилинади).

Кўп квартирали уйлардаги турар жой ва нотурар жой мулкдорларининг умумий мол-мулки объектлари:
  • уйнинг умумий жойлари (холлар, болалар аравачалари жойлари, чиқинди камералари ва бошқалар);
  • таянч ва тўсиқ қурилмалар (деворлар, бостирмалар, пойдеворлар);
  • квартиралар оралиғидаги иҳоталанган (ўралма) пиллапоя;
  • зинапоялар (йўлак ичидаги, ташқарисидаги, йўлакка киришдаги);
  • лифтлар, лифтнинг шахталари ва бошқа шахталар (вентиляция шахталари, чиқинди шахталари ва бошқалар);
  • даҳлизлар, чердаклар ва томлар;
  • техник қаватлар ва ертўлалар;
  • уй ичидаги муҳандислик тармоқлари ва коммуникациялари;
  • жойлар ташқарисида ёки ичида жойлашган ва биттадан ортиқ жойга хизмат кўрсатадиган механик, электр, санитария-техника ускуналари ва қурилмалари ҳамда бошқа ускуналар ва қурилмалар.

Chat