Ҳуқуқий ахборот биз хоҳлаган пайтда эмас, ўзингиз хоҳлаган пайтда олинг

Уй-жой фонди таркиби
  • уйлар;
  • квартиралар;
  • хизмат турар жойлари;
  • ётоқхоналар;
  • вақтинчалик уй-жой фонди уйлари;
  • ногиронлар, фахрийлар, ёлғиз қариялар учун интернат-уйлар;
  • болалар уйлар;
  • бошқа махсус мақсадли уйлар.

Уй-жой фонди қуйидагилардан иборат:

  • хусусий уй-жой фондлари
    • якка тартибда қурилган уйлар
    • хусусийлаштирилган квартиралар ва уйлар
    • қурилган квартиралар ва уйлар
    • сотиб олинган квартиралар ва уйлар
    • хўжалик ширкатлари ва жамиятлари, кооперативлар, жамоат бирлашмалари, жамоат фондлари ҳамда бошқа нодавлат юридик шахсларнинг мулки бўлган ва уларнинг маблағлари ҳисобидан қурилган уйлар
  • давлат уй-жой фондлари
    • маҳаллий давлат ҳокимияти органлари ихтиёрида бўлган муниципал уй-жой фонди
    • давлат корхоналари, муассасалари ва ташкилотларига тегишли бўлган идоравий уй-жой фонди
    • ижтимоий жиҳатдан ҳимояланмаган, кам таъминланган фуқаролар учун хусусийлаштириш ҳуқуқисиз, ижара шартлари асосида фойдаланишга берилган аниқ мақсадли коммунал уй-жой фонди

Турар жойларни уй-жой фондига киритиш

Уйлар ва турар жойларга нисбатан мулк ҳуқуқининг кадастр идоралари томонидан давлат рўйхатидан ўтказилиши уларнинг уй-жой фондига киритилганлигининг тасдиғи ҳисобланади.

Турар жойларни уй-жой фондидан чиқариш

Қуйидаги ҳолларда уйлар ва турар жойлар уй-жой фондидан чиқарилади:

  • авария ёки яшаш учун яроқсиз бўлган ҳолларда;
  • давлат ва жамоат эҳтиёжлари учун бузилганда;
  • Қорақалпоғистон Республикаси Вазирлар Кенгаши, вилоятлар, Тошкент шаҳар ҳокимлари қарорига кўра яшаш учун мўлжалланмаган жойларга ўтказилганда.

Боғдорчилик ва бошқа ер участкаларида жойлашган бино ва иморатларни уй-жой фондига киритиш

Боғдорчилик ва бошқа ер участкаларида жойлашган ҳамда Уй-жой кодексининг 9-моддасида назарда тутилган талабларга жавоб берадиган иморатларга эга бўлган шахслар шу иморатларни уйлар сифатида расмийлаштиришни ва уларни уй-жой фондига киритишни талаб қилиш ҳуқуқига эга.

Бино ва иморатлар эгалари кўчмас мулк жойлашган Ер тузиш ва кўчмас мулк кадастри давлат корхонасининг туман (шаҳар) филиалларига мурожаат қилиши лозим.

Бино ва иморатлар (кўчмас мулк эгалари) эгалари туман (шаҳар) кадастр ташкилотига қуйидаги ҳужжатларни тақдим қилади:

  • туман (шаҳар) ҳокимнинг боғдорчилик ширкатлари ва бошқа ширкатлар учун ер участкаси ер ажратиш тўғрисидаги қарори
  • туман (шаҳар) ҳокимининг кўрсатиб ўтилган иморатларни уйлар сифатида расмийлаштириш тўғрисидаги қарори


Иморатларга қўйилган талаблар билан танишиш учун ушбу ҳаволага ўтинг.

Chat