Ҳуқуқий ахборот биз хоҳлаган пайтда эмас, ўзингиз хоҳлаган пайтда олинг

Қуйидагиларнинг мулкида бўлган мол-мулк солиқ солишдан озод этилади:

  • «Ўзбекистон Қаҳрамони», Совет Иттифоқи Қаҳрамони, Меҳнат Қаҳрамони унвонларига сазовор бўлган, учала даражадаги Шуҳрат ордени билан тақдирланган фуқароларнинг;
  • уруш ногиронлари ва қатнашчилари, шунингдек доираси қонун ҳужжатлари билан белгиланадиган уларга тенглаштирилган шахслар;
  • собиқ СССРни, Ўзбекистон Республикасининг конституциявий тузумини ҳимоя қилиш ёки ҳарбий хизматнинг ёхуд ички ишлар органларидаги хизматнинг бошқа мажбуриятларини бажариш чоғида яраланганлиги, контузия бўлганлиги ёки майиб бўлганлиги оқибатида ёхуд фронтда бўлиш билан боғлиқ касаллик туфайли ҳалок бўлган ҳарбий хизматчиларнинг ҳамда ички ишлар органлари ходимларининг ота-оналари ва бева хотинлари (бева эрлари);
  • энергия ресурсларининг амалдаги тармоқларидан тўлиқ узиб қўйилган турар жойларда қайта тикланадиган энергия манбаларидан фойдаланувчи шахслар қайта тикланадиган энергия манбалари ўрнатилган ойдан эътиборан уч йил муддатга.

Мол-мулк солиғи бўйича имтиёзлар, шунингдек, ўн нафар ва ундан ортиқ болалари бор ота-оналаридан бирига, пенсионерларга, I ва II гуруҳ ногиронлиги бўлган шахсларга ҳам берилади. Мазкур категориядаги жисмоний шахсларга солиқ солинмайдиган майдон ўлчами 60 кв.м доирасида берилади.

Имтиёзлар солиқ инспекциясига солиқ тўловчининг алоҳида статусга эга эканлигини тасдиқловчи ҳужжатлар тақдим этилганда қўлланилади.

Аҳамият беринг!
Солиқ имтиёзлари мулкдорнинг танловига кўра фақат битта яшаш учун мўлжалланган кўчмас мулк объектига татбиқ этилади.

Chat