Ҳуқуқий ахборот биз хоҳлаган пайтда эмас, ўзингиз хоҳлаган пайтда олинг

Мамлакатни вақтинча ишлаш учун тарк этаётган фуқаролар учун 1000 АҚШ доллари эквивалентида истеъмол кредити берилади.

Ушбу кредит Ташқи меҳнат миграцияси агентлиги билан шартнома тузган 18 ёшга тўлган Ўзбекистон Республикаси фуқароларига берилади.

Кредит мамлакатдан ташқарида вақтинчалик меҳнат фаолиятини бошлаш билан боғлиқ дастлабки харажатларни тўлаш учун берилади.

Кредит миллий валюта – сўмда, уч ойлик имтиёзли давр билан 12 ойга берилади. Кредитнинг фоиз ставкаси – Марказий банкнинг амалдаги қайта молиялаш ставкаси миқдорида.


Кредит учун талаб қилинадиган ҳужжатлар:

  • банк томонидан белгиланган шаклдаги ариза;
  • қарз олувчи ва қўшимча тўловчининг паспорти;
  • Ташқи меҳнат миграцияси агентлиги билан тузилган шартнома;
  • кредитнинг қайтарилишини таъминловчи ҳужжатлар (жисмоний ёки юридик шахсларнинг кафолати ва б.).

Кредит АТИБ “Ипотека-банк”нинг доимий яшаш жойидаги филиали томнидан ажратилади.

Chat